عارفانہ کلام حمد نعت منقبت
میرے آقاؐ مرے سرکارؐ مدینے والے
دیکھ لوں طیبہ کا گلزار مدینے والے
زحمتِ لطف ہو سرکارؐ مدینے والے
سر پہ عصیاں کا ہے انبار مدینے والے
تم غریبوں کے ہو غمخوار مدینے والے
ہو ادھر بھی نظر اک بار مدینے والے
آپؐ کے غم سے رہے میرا تعلق قائم
آپؐ سے ہے یہی اصرار مدینے والے
مجھ سے ممکن ہی نہیں ہو تِری عظمت کا بیاں
میری کوشش کے ہو مختار مدینے والے
موجِ طوفاں کے حوالے ہے سفینہ دل کا
المدد! سیدِ ابرارﷺ مدینے والے
داغ پر داغ دئیے جاتے ہیں اربابِ ستم
ظلم کا گرم ہے بازار مدینے والے
داغ نیازی
No comments:
Post a Comment