عارفانہ کلام حمد نعت منقبت
کوچۂ سرکارؐ کی باتیں کریں
خلد کے گلزار کی باتیں کریں
لحنِ داؤدی بھی ہے جس پر فدا
ان لب و رخسار کی باتیں کریں
نیکیاں آ جائیں گی کرنا ہمیں
سیدِ ابرارﷺ کی باتیں کریں
لب پہ ہوں کُوئے نبیؐ کے تذکرے
گلشنِ بے خار کی باتیں کریں
قیدِ غم سے ہم رہائی کے لیے
احمدﷺ مختار کی باتیں کریں
رونقِ بزمِ جہاں کو بھول کر
بطحا کے بازار کی باتیں کریں
بھول کر صالح سرائے دہر کو
کوچۂ دلدار کی باتیں کریں
صالح اچھا
No comments:
Post a Comment