عارفانہ کلام حمد نعت منقبت
ہمیشہ ایک نیا راستہ وہاں سے مِلا
چراغِ نقشِ کفِ پا تِرا جہاں سے ملا
یہ کِن اُجالوں کی بستی کا تُو مسافر تھا
کہ آفتاب تِری گردِ ارواں سے ملا
خلا رہا نہ کہیں خلق اور خدا میں کوئی
کہ یوں زمیں کو دیا تُو نے آسماں سے ملا
اُسے بھٹکتے ہوئے آج تک نہیں دیکھا
جسے ستارہ تِرے سنگِ آستاں سے ملا
تِرے عمل میں نظر آتی ہے جھلک اُس کی
ہمیں تو حکم بھی جس کا تِری زباں سے ملا
لُڑھک رہی تھی اندھیروں میں کائنات کہ پھر
اِسے سہارا تِری چشمِ مہرباں سے ملا
منافقین مدینے میں کم نہ تھے راحت
انہیں بھی فیض مگر آپؐ کی اماں سے ملا
راحت سرحدی
No comments:
Post a Comment