Tuesday, 17 November 2026

اپنی ہر ہار پہ اک جشن مناتے رہیے

 اپنی ہر ہار پہ اک جشن مناتے رہیے

زندگی بوجھ سہی بوجھ اُٹھاتے رہیے

کوئی آنے کے لیے کوئی تو ہو اندر بھی

فلسفے چھوڑئیے،۔ زنجیر ہِلاتے رہیے

راہ چلنے کے لیے پاؤں ضروری تو نہیں

سر نہیں نہ سہی، دستار سجاتے رہیے

کیا ضروری ہے کہ ہر کام سلِیقے سے ہو

جذبے ٹھنڈے سہی سِگریٹ جلاتے رہیے

آگہی جُرم ہے، بے سُود ہے بیداری وسیم

آپ بھی سوئیے، اوروں کو سُلاتے رہیے


وسیم فرحت کارنجوی علیگ

No comments:

Post a Comment