کلابہ ٹوٹنےکی دیر ہے
ابھی تکلے پہ دھاگہ گھومتا ہے
ابھی کر لے سَکھی باتیں
طلسمِ خواب کی گھاتیں
ابھی دو چار ہی راتوں کا قصہ ہیں
دِیے کی ٹمٹماتی لَو میں کوئی آنکھ
زندگی کی سمت
مرگِ ناگہانی بڑھ رہی ہے
ریشمی کپڑے لپیٹے جا چکے ہیں
آسماں کا سر خمیدہ ہے
کلابہ ٹوٹنے کی دیر ہے
چرخہ رکے گا
زور سے گھومے گا
پھر تاریخ کا پہیہ
زمیں پوشاک بدلے گی
نئی تقویم لکھنے کے لیے کاتب
سیاہی میں ستارے گھولتا ہے
نصیر احمد ناصر
No comments:
Post a Comment