جس نے تجھے خلوت میں بھی تنہا نہیں دیکھا

جس نے تجھے خلوت میں بھی تنہا نہیں دیکھا

اس دیکھنے والے کا کلیجا نہیں دیکھا

اف، اف، وہ اچٹتی سی نگاہ غلط انداز

اس طرح سے دیکھا ہے کہ گویا نہیں دیکھا

جس گل کو یہ سب ڈھونڈتی پھرتی ہیں ہوائیں

تُو نے تو اسے نرگسِ شہلا نہیں دیکھا

دم آنکھوں میں اٹکا ہے خدا کے لیے آؤ

پھر یہ نہ گلہ ہو، مرا رستا نہہں دیکھا

شاعرؔ یہ غزل لکھی ہے یا جڑ دیئے موتی

دنیا میں قلم کار بھی ایسا نہیں دیکھا 

آغا شاعر قزلباش