شہرِ ویراں
اس کھنڈر کے قریں
گوشۂ بے زباں کو جہاں چومتی ہے یہ بوڑھی زمیں
آج آئیں گے، پامال، رنگیں بہاروں سے بچھڑے ہوۓ، سب رفیقانِ غم
آتشِ نغمۂ گل جلے گی وہاں
مسکراۓ گی اور خون روۓ گی مجبور شمع زباں
شہر ویراں ہیں ہم،۔۔۔۔ اجنبی تو نہیں
ہم بھی رنگیں بہاروں سے بچھڑے ہوۓ
بے اماں لوگ ہیں
بے زباں لوگ ہیں
آج ہم بھی چلیں
اس کھنڈر کے قریں
ہمدموں سے ملیں
گوشۂ بے زباں کا فسانہ سنیں
اور ساغر بکف
آتشِ جذبۂ بے کراں میں جلیں
بلراج کومل
No comments:
Post a Comment