اے خالق اکبر مجھے توفیق عطا کر

اے خالقِ اکبر مجھے توفیق عطا کر ​

غفلت سے بلوچوں کو ذرا پھر سے جگا دوں​

کھو بیٹھے ہیں مردانِ سلف کی وہ روایات​

پھر قصے ماضی کے انہیں یاد دلا دوں​

پھر چاکر و بی بکر کے نیزوں کی انی سے​

اغیار کے سینوں میں کئی چھید بنا دوں​

گم کردۂ راہ میں، نہ کوئی ساتھ ہے رہبر​

میں مشعل راہ بن کے انہیں راہ دکھا دوں​

سرداروں کی ہستی نے بلوچوں کو مٹایا​

سرداروں کے سر کو میں سرِ دار چڑھا دو

یہ مجمع جوانوں کا نا چیز ہے، لیکن ​

تیرا ہو کرم میں انہیں کسریٰ سے لڑا دوں​

کہتے ہیں نصیر خوف سے خاموش ہوا ہے​

گفتار کی طاقت دے انہیں حال سنا دوں​

میر گل خان نصیر