اتنا پیچھے نہ پڑا تھا دلِ ناداں پہلے
یُوں نہ تھا دشمنِ جاں، دشمنِ ایماں پہلے
پہلے وہ آتے، شراب آتی، کوئی ساز آتا
تو کہاں آن مَری گردشِ دوراں! پہلے
کچھ تِری شوخ نگاہوں کا اشارہ ہے ضرور
اِتنا گستاخ نہ تھا وصل کا ارماں پہلے
تیری زلفوں نے مِرے دل کی ادائیں لے لیں
ورنہ اس شان سے، کب تھیں یہ پریشاں پہلے
ہاں دکھاؤں گا کسی روز محبت کی بہار
دل کے زخموں کو ذرا کر لوں گلستاں پہلے
ہوش جونپوری
(اصغر مہدی ہوش)
No comments:
Post a Comment