کبھی وہ مثلِ گل مجھے مثالِ خار چاہئے
کبھی مزاجِ مہرباں وفا شعار چاہیے
جبینِ خود پسند کو سزائے درد یاد ہو
سر جنونِ کوش میں خیال دار چاہیے
فریبِ قربِ یار ہو کہ حسرتِ سپردگی
کسی سبب سے دل مجھے یہ بے قرار چاہیے
غمِ زمانہ جب نہ ہو غمِ وجود ڈھونڈ لوں
کہ اک زمینِ جاں جو ہے وہ داغدار چاہیے
وہ آزمائشِ جنوں وہ امتحانِ بے خودی
وہ صحبتِ تباہ کن پھر ایک بار چاہیے
تنویر انجم
No comments:
Post a Comment