زرا جلدی کر میرے پیر سائیں وہ ہاتھ چھڑانے والا ہے

 زرا جلدی کر میرے پیر سائیں

وہ ہاتھ چھڑانے والا ہے

مجھے چھوڑ کے جانے والا ہے

کوئی انتر منتر پھونک ابھی

مجھے دے کچھ گھول کے پانی میں

کوئی جادو ٹونہ کر سائیں

کوئی دے تعویز محبت کا

کچھ ایسے کر کچھ ویسے کر

کوئی چِلہ وِلہ کاٹ سائیں

کچھ کر تُو جیسے تیسے کر

اب میری خوشیاں ہاتھ تیرے

کوئی اور اسے نہ لے جائے

وہ ایک اکیلا جگ میں ہے

میں جان و دل ہوں وار چکی

وہ جیت چکا، سب جیت چکا

اور میں کہ خود کو ہار چکی

سائیں دیکھ میں پہلے تنہا ہوں

اور چھوڑ کے وہ بھی چل نکلے

میری مشکل کا نہ حل نکلے

یہ بات میں سہہ نہ پاؤں گی

میں جیتے جی میں مر جاؤں گی

نامعلوم