یہ جو ماتھوں پہ ہیں شکن والے
پہلے یہ بھی تھے حسنِ ظن والے
شب بہشتوں میں مچ گیا کہرام
چھڑ گئے تذکرے وطن والے
دنیا دنیا پکارنے لگے تھے
مل کے سارے ہی دِین و دھن والے
ہے مساوات موت سے بد تر
چُپ چپیتے ہیں فکر و فن والے
ہم فرشتوں سے لڑ پڑے ہوتے
لطف لیتے گنوار پن والے
خُلد کے پھل بھی لاجواب مگر
پر کہاں ذائقے وہ تن والے
جنتوں میں اداس پھرتے ہیں
ہائے ہم لوگ تھے بدن والے
احمد عطااللہ
No comments:
Post a Comment