خلقت بہت تهی صاحب اسرار کون تها
آنکھیں بہت تھیں دیدۂ بیدار کون تھا
اس قافلے کا قافلہ سالار کون تھا
سردار کون یعنی سرِ دار کون تها
تم کو ہے کد کہ صاحب دستار کون تها
ہم کو یہ ضد کہ یار طرحدار کون تها
وه تم سا خوش مقال وخوش اطوار کون تها
تم بهی نہ تهے تو حاشیہ بردار کون تھا
کشکول سارے شہر کے تم کو تھما دئیے
ہم جانتے تھے تم سا طلبگار کون تھا
تھی ایک نفسا نفسی ہمیں کون پوچھتا
اس کی گلی میں اتنا روادار کون تھا
تھا زرد کس کا چہره، لہو کون لے اڑا
پھل کس نے کھائے اور یہاں بیمار کون تھا
یہ تو نہ تھا کہ بھیڑ نہ تھی شور و شر نہ تھا
لیکن بتاؤ ہم سا خریدار کون تھا
ہم نے یہ کب کہا پس دیوار آپ تھے
ہم نے تو یہ کہا پس دیوار کون تھا
شجاعت علی راہی
No comments:
Post a Comment