رات صدائیں چپ ہوں گی تو تیرا رستہ دیکھوں گی
چپکے چپکے خواب آنکھوں میں تیرا چہرہ ڈھونڈوں گی
بادل، بارش، رنگ میں ڈھل کر جب تجھ کو یوں تکتے ہیں
قطرہ قطرہ بہہ کر تجھ کو، لمحہ لمحہ سوچوں گی
سات زمانے تجھ سے بچھڑ کر روح میں میری بستے ہیں
تیری ساری آہیں اپنے دل میں چھپا کر رکھوں گی
صبح کا وقت ہو، شام ہو یا پھر رات گھنی دیواروں پر
پتھر پتھر روند کے تجھ تک نیند نگر میں پہنچوں گی
دھوپ کا موسم کرب سے تڑپا خالی خالی گلیوں میں
پیلا سورج ڈوبے گا تو پھر میں تجھ کو مانگوں گی
تمثیل حفصہ
No comments:
Post a Comment