اپنی آنکھوں سے کوئی چیز کہاں دیکھتے ہیں

 اپنی آنکھوں سے کوئی چیز کہاں دیکھتے ہیں

ہم تو آنکھوں سے تِری سارا جہاں دیکھتے ہیں

بات جھوٹی ہے کہ سچی یہ کہاں دیکھتے ہیں

اب تو منصف بھی فقط زور بیاں دیکھتے

خوف سے کانپنے لگتے ہیں بتوں کے ہمدرد

دشت میں گونجتی جس وقت اذاں دیکھتے ہیں

وہ جو مشہور تھے پتھر کے کلیجے والے

ان کی آنکھوں سے بھی ہم اشک رواں دیکھتے ہیں

شانِ محبوب میں گستاخیاں کرنے والی

کیسے رہتی ہے سلامت وہ زباں دیکھتے ہیں

پیش کرتا ہے جہاں ان کو محبت کے گلاب

جس کا سر آپ اسد نوکِ سناں دیکھتے ہیں

اسد ہاشمی