میرے پہلو میں مرا سایہ پڑا چیختا ہے

 اے خدا قبر میں اک جسم پڑا چیختا ہے

موسمِ قہر میں اک پیڑ ہرا چیختا ہے

پھر اداسی کا ترے لب سے مجھے علم ہوا

تُو کبھی آئے زمیں پر تو بڑا چیختا ہے

میرے اندر سے صداؤں کا ہجوم اٹھتا ہے

میری وحشت سے کہے کتنا بُرا چیختا ہے

میرے ماتھے پہ شکن تیری جدائی میں پڑی

میرے ہاتھوں میں تو اک جام بھرا چیختا ہے

میں تو اس دکھ کے بھی آنے پہ بہت روشن ہوں

وہ جو تنہائی میں بس خود سے ڈرا چیختا ہے

تیری آہٹ کا بدن چھو کے چلا آیا ہے

میرے پہلو میں مرا سایہ پڑا چیختا ہے

ابرار مظفر