راکھ میں آگ ڈھونڈنے لگی ہے

 راکھ میں آگ ڈھونڈنے لگی ہے

وہ مِرا ہاتھ چومنے لگی ہے

پہلی چاہت کا لمس لے رہی ہے

مورنی دل میں جھومنے لگی ہے

کب تلک روکتی رہو گی مجھے

آخری بس بھی چھوٹنے لگی ہے

ایک تتلی کو عشق ہو گیا ہے

میری تصویر چومنے لگی ہے

اب یہ بہتر ہے کال کاٹ دوں میں

اس کی آواز ڈوبنے لگی ہے

اک نیا دوست مل گیا ہے اسے

اب وہ نادان روٹھنے لگی ہے

پھر کوئی دھوکا دے گیا اس کو

سب سے وہ میرا پوچھنے لگی ہے

وہ مجھے میرا بدر کہتی ہے

روشنی مجھے میں پھوٹنے لگی ہے

نعمان بدر