شبنمی چشم
جب سے دیکھی ہے وہ شبنمی سی چشم
اُس میں ڈُوبا تو مجھ راز کُھلا
آنکھ پر کُھل گئے نہاں منظر
خاک اُڑائی ہے قیس نے جتنی
اور فرہاد نے تنِ تنہا
جس طرح کوہِ بے ستوں کاٹا
غم رانجھے نے جس طرح کاٹا
وقت کے خوفناک بیلے میں
کیسے پُنوں نے تھل کی گرمی میں
اپنی سانسوں کو آگ میں جھونکا
جو بھی گُزرا ہے سانحہ جس پر
شبنمی چشم کا کیا دھرا ہے
آنکھ پر کیا کُھلے نہاں منظر
جاں کے لالے پڑے ہوئے ہیں مجھے
جب سے دیکھی وہ شبنمی سی چشم
مجھ کو سو فیصدی یقین ہُوا
میرا انجام بھی وہی ہو گا
مجھ سے پہلے ہوا جو یاروں کا
ریاض احمد احسان
No comments:
Post a Comment