جبر پہ مبنی اٹوٹ انگ کی تکرار پہ تھو

 جبر پہ مبنی اٹوٹ انگ کی تکرار پہ تُھو

میرا انکار سلامت، تِرے اصرار پہ تھو

تُو مِرے قتل پہ، اس جبر پہ تا حال خموش

سنگ دل دنیا! تِرے دوہرے معیار پہ تھو

وہ جو کشمیر سے کشمیر جدا کرتی ہے

اس تِری سوچ پہ، اس باڑ پہ، دیوار پہ تھو

وہ جو اُس پار مِرے حق میں، انہیں میرا سلام

اس کے برعکس ہر اک سوچ کے پرچار پہ تھو

جنہیں انسان سے بڑھ کر بڑی منڈی ہے عزیز

ایسے تاجر کی تجارت پہ، بیو پار پہ تھو

راگ جمہور کا، جمہور کُشی پالیسی

سو تِری نام کی ان آئینی اقدار پہ تھو

فاشزم فکر ہے اس کی، کہ نہیں کرتا ہے

تختِ دلی پہ جو بیٹھے ہوئے عیار پہ تھو

جو مِرے نام پہ بنتے ہیں، مگر چلتے نہیں

دکھ سے کہتا ہوں کہ اس تیر پہ، تلوار پہ تھو

مسعود ساگر