شگوفے آرزو کے پھوٹتے ہیں

 شگوفے آرزو کے پُھوٹتے ہیں

حسیں جب بن سنور کر گھُومتے ہیں

لبوں کی نازکی پُھولوں سے بڑھ کر

گُلابی گال اب دل لُوٹتے ہیں

تیرے نوخیز جوبن کی ہوا سے

مِرے قلب و نظر سب جُھومتے ہیں

تخیّل میں وہ بانہیں ریشمی ہیں

انہی بانہوں کا جُھولا جھولتے ہیں

خِراماں ناز دل کش صُورتوں کے

تِرے آگے پسینے چُھوٹتے ہیں

تِرے آنے سے آئی روشنی تھی

تِرے جانے سے جذبے رُوٹھتے ہیں

غزل میں حُسن بکھرا دیکھ کر سب

غزل گو شعر میرے چُومتے ہیں

نہیں دیکھی اگرچہ راہِ اُلفت

کب انسان اس کا رستہ بُھولتے ہیں

ہُوا جن کا گُزر اُن کی گلی سے

پتہ اب اپنے گھر کا پُوچھتے ہیں

اُٹھاتے ہیں حسیں چہرے سے پردہ

تو ثاقب ہاتھ پاؤں پھُولتے ہیں

عباس علی شاہ ثاقب