عارفانہ کلام حمد نعت منقبت
وادئ بطحا کو جنت کے نظارے ہو گئے
آپﷺ آئے تو سبھی ذرے ستارے ہو گئے
بے کلی کو آپﷺ نے بخشا سکوں کا ذائقہ
دل کی بے تابی کے سب ٹھنڈے شرارے ہو گئے
دور تک پھیلی ہوئی تاریکیاں بھی چھٹ گئیں
پھر منور ارض خاکی کے کنارے ہو گئے
آپﷺ کی آمد سے آیا انقلاب ایسا یہاں
بے سہارا تھے جو، اوروں کے سہارے ہو گئے
خدشۂ رنج و الم پیش نظر رکھتے نہیں
ہیں امانِ قدسیاں میں جو تمہارے ہو گئے
آپﷺ کی نسبت سے انجم کا ہوا دل مطمئن
آپﷺ کی رحمت سے میرے کام سارے ہو گئے
عبدالرحمٰن انجم
No comments:
Post a Comment