عارفانہ کلام حمد نعت منقبت
کہے افضل ہوئے ہیں آپﷺ کی آمد کے بعد
کہوں سب در کھلے ہیں آپ کی آمد کے بعد
کہے پتھر نے پہنے پھول کے چہرے یہاں
کہوں یہ راستے ہیں آپ کی آمد کے بعد
کہے ہر پل لگے ہیں پر مِری امید کو
کہوں سب حوصلے ہیں آپ کی آمد کے بعد
کہے کیسے کروں اُن کی سخن، عاجز قلم
کہوں بس کر گئے ہیں آپ کی آمد کے بعد
کہے منظر پسِ منظر میں دیکھا ہے فلک
کہوں تارے جھکے ہیں آپ کی آمد کے بعد
کہے وہم و گماں صلی علیٰ صلی علیٰ
کہوں موتی جھڑے ہیں آپ کی آمد کے بعد
کہے آؤ ولی اس شہر سے طیبہ چلیں
کہوں روشن دیے ہیں آپ کی آمد کے بعد
شاہ روم ولی
ولی شاہ
No comments:
Post a Comment