عارفانہ کلام حمد نعت منقبت
دُھول سے جو اَٹ گیا تھا، گُم ہُوا تھا راستا
آپﷺ کے دم سے ہوا ہر دم رواں صبح و مسا
زرد موسم نے بھی پہنا سبز موسم کا لباس
رُوح پرور ہو گئی مکّے مدینے کی ہوا
بے اماں افراد کو بھی مل گئی ان کی اماں
ہو گئے رشک ثریا، وہ جو تھے تحت الثریٰ
سوچ کے ہر منجمد دریا میں لہریں آگئیں
آپﷺ کے حسن عمل نے اس کو زندہ کر دیا
بے بضاعت آپﷺ کا قطرہ سمندر بن گیا
بے سر و سامان ذرہ آپﷺ کے در پر سجا
بے خدا افراد پر ادبار کی آفت پڑی
اور سفینہ عشق احمدﷺ کا کنارے آلگا
یہ خدائے لَم یزل کا کس قدر احسان ہے
ہے ریاض کم نظر کی آنکھ میں گنبد ہرا
ریاض زیدی
No comments:
Post a Comment