ایسی بگڑی ہے تِرے شہر میں گھر کی صورت
کبھی دیوار کو دیکھیں کبھی در کی صورت
اک تجھے ڈھونڈنے میں عُمر گنوا دی ہم نے
ہم کہ برباد ہوئے گردِ سفر کی صورت
نارسائی میں کٹی عمر مگر کیسے کٹی
اک ہمیں درد ملا عمرِ خضر کی صورت
حرف بے کار معانی کی حقیقت مفقود
بے خبر لفظ ہو کیسے خبر کی صورت
در بدر پھرتے ہیں ہم اجنبی چہرے لے کر
کوئی درماں ہی ملے اہلِ نظر کی صورت
میری تنہائی نے باندھا ہے یہاں رختِ سفر
اور وِیرانی نے لکھی ہے سفر کی صورت
محمد امین
No comments:
Post a Comment