عارفانہ کلام حمد نعت منقبت
اللہ رے دو جہاں میں یہ رتبہ رسولﷺ کا
خود رب کائنات ہے شیدا رسولﷺ کا
یوسف بھی ان کے روئے منور کے ہیں نثار
دیکھا جمال تُو نے زلیخا! رسولﷺ کا
طوفاں کی کیا مجال کہ کشتی ڈبو سکے
کشتی چلی ہے لے کے سہارا رسولﷺ کا
ہے ایک ہی جمال، نگاہوں کا فرق ہے
وہ جلوۂ خدا ہو، کہ جلوہ رسولﷺ کا
جنت بھی میرے واسطے جنت نہیں رہی
جب سے بسا خیال میں روضہ رسولﷺ کا
پھولے نہیں سماتے گنہ گار حشر میں
شاید سمجھ گئے ہیں اشارا رسولﷺ کا
شاہِ عربﷺ کی شانِ رسالت تو دیکھے
شبر بُتوں نے پڑھ لیا کلمہ رسولﷺ کا
شبر جیلانی قمری
No comments:
Post a Comment