غموں کے قصے نہ افسانۂ طرب لکھنا
قلم اٹھاؤ تو جینے کا کچھ سمجھ لکھنا
ہر ایک ہاتھ میں تھا کاسۂ طلب لکھنا
جو لکھ سکو تو کرشماتِ روز و شب لکھنا
ہجومِ خواب میں کھوئی ہوئی تھیں سب آنکھیں
محاذ شب میں تنہا تھا تم یہ سب لکھنا
زمانہ لکھتا ہے نورِ سحر تو لکھنے دو
شفق کو تم تو ردائے عروسِ شب لکھنا
مہ و نجوم کی تابانیوں کا قاتل ہے
قلم میں دم ہو تو سورج کو کم نسب لکھنا
جو چہرے سرخئ نا معتبر سے روشن ہیں
جب ان کا نام لکھو مصلحت طلب لکھنا
ندیم عرشی
No comments:
Post a Comment