چوم لے اب تو دست دعا روشنی

 چوم لے اب تو دست دعا روشنی

اے خدا! روشنی، اے خدا! روشنی

میرے منظر کو سورج کوئی بخش دے

میری آنکھوں کہ ورنہ بُجھا روشنی

زہرِ ظلمت سے بے نور میرا بدن

تُو مجھے قطرہ قطرہ پِلا روشنی

میں تِرا نقش بھی، میں تِرا عکس بھی

اپنا آئینہ مجھ کو بنا روشنی

میں تِری شب کے ماتھے کا مہتاب تھا

اب مِرے راستوں کو دکھا روشنی

میرے ہر قطرۂ خوں میں خورشید ہے

اب کوئی مجھ سے چھینے گا کیا روشنی

پیر اکرم