اے وطن اے وطن
اے وطن اے وطن، ہم تِرے پاسباں
اے چمن اے چمن، ہم تِرے باغباں
چاندنی دھوپ بادل برستی گھٹا
ہر نظارہ حسیں،۔ ہر ادا دلربا
گل بداماں تِری دل نشیں داریاں
اے وطن اے وطن، ہم ترے پاسباں
تیری تہذیب گلدستۂ زندگی
تیری تاریخ آئینۂ زندگی
ہر ورق آدمیت کی ہے داستاں
اے وطن اے وطن، ہم ترے پاسباں
خونِ دل سے سجاتے رہے ہم تجھے
رشکِ جنت بناتے رہے ہم تجھے
تجھ کو حسرت سے دیکھا کیا آسماں
اے وطن اے وطن، ہم ترے پاسباں
رفعت سروش
No comments:
Post a Comment