نہ گلستاں نہ ہمیں رنگ چمن یاد آیا

نہ گلستاں، نہ ہمیں رنگِ چمن یاد آیا

ہوش آنے بھی نہ پایا تھا کہ صیاد آیا

باغباں! در پہ تو آ فصل کا مژدہ سن لے

خطِ گل لے کے کسی باغ سے شمشاد آیا

آدمیت کی کوئی بات نہ ہو گی مجھ سے

مِری محفل میں اگر کوئی پری زاد آیا

جو یہ دنیا سے کوئی دل خوش و خرم نہ ملا

جو کوئی آیا سو اس بزم میں ناشاد آیا

حالِ دنیا یونہی منسوخ ہوا اے اخترؔ

ناسخِؔ نیک گیا، آتشِؔ استاد آیا

واجد علی شاہ اختر