بانہوں میں مِری آج مچلنے کے لئے آ
اے شام! مِرے ساتھ ٹہلنے کے لئے آ
دن بھر تو تگ و دو میں گزر جاتا ہے میرا
ہر روز سرِ شام بہلنے کے لئے آ
دنیا مِرے واسطے اک خوابِ تمنا
تحلیل مۓ ہستی میں ہونا ہے مجھے بھی
آ، تُو بھی مِرے ساتھ پگھلنے کے لئے آ
بچپن کا اعادہ ذرا ہو جائے مِری جان
بچوں کی طرح کود اچھلنے کے لئے آ
دلہن کی طرح سج کے مِرے سامنے آ جا
آ، میرے خیالوں کو غزلنے کے لئے آ
ہر شام مِرے ساتھ رہا کرتی ہے وحشت
وحشت کو مِری آج کچلنے کے لئے آ
احمد سوز
No comments:
Post a Comment