ہدیۂ نعت بحضور سرورِ کائناتﷺ
نصیبا جگمگانے کو نبیﷺ کا نام کافی ہے
مِرے اس آشیانے کو نبیﷺ کا نام کافی ہے
کوئی اس نام سے افضل وظیفہ ہو نہیں سکتا
ہمیں پڑھنے پڑھانے کو نبیﷺ کا نام کافی ہے
بتایا تھا بہت پہلے مجھے اک پیرِ کامل نے
نبی کا نام لینے سے پریشانی نہیں رہتی
سبھی دکھ غم مٹانے کو نبیﷺ کا نام کافی ہے
یہی نامِ محمدﷺ ہی دلوں کو شاد رکھتا ہے
کلی دل کی کھلانے کو نبیﷺ کا نام کافی ہے
نہیں مشکل کشا ایسا، نہیں حاجت روا ایسا
مِری نیّا بچانے کو نبیﷺ کا نام کافی ہے
میں عاصی ہوں مگر منکر نکیروں سے نہیں ڈرتا
انہیں نسبت بتانے کو نبیﷺ کا نام کافی ہے
مِرے سب سے شفیق آقا، مرے سب سےکریم آقا
مِرے سارے گھرانے کو نبیﷺ کا نام کافی ہے
انہیں بھیجا گیا انوؔر بنا کر رحمتِ عالمﷺ
میاں سارے زمانے کو نبیﷺ کا نام کافی ہے
صغیر انور
No comments:
Post a Comment