تِری گالی مجھ دل کو پیاری لگے
دعا میری تجھ من میں بھاری لگے
تدی قدر عاشق کی بُوجھے سجن
کسی ساتھ اگر تجھ کُوں یاری لگے
بھُلا دیوے وو عیش و آرام سب
جسے زُلف سیں بے قراری لگے
نہیں تجھ سا اور شوخ اے من ہرن
تِری بات دل کو نیاری لگے
بھُواں تیری شمشیر زُلفاں کمند
پلک تیری جیسے کٹاری لگے
نہ جانوں تُو ساقی تھا کس بزم کا
نین تیری مجھ کو خماری لگے
وہی قدر فائز کی جانے بہت
جسے عشق کا زخم کاری لگے
فائز دہلوی
No comments:
Post a Comment