لایا ہے دل پر کتنی خرابی
اے یار تیرا حسنِ شرابی
پیرہن اس کا ہے سادہ رنگیں
یا عکسِ مے سے شیشہ گلابی
عشرت کی شب کا وہ دورِ آخر
نورِ سحر کی وہ لا جوابی
اس نازنیں نے با وصفِ عصمت
کی وصل کی شب وہ بے حجابی
شوق اپنی بھولا گستاخ دستی
دل ساری شوخی حاضر جوابی
وہ رُوئے زیبا ہے جانِ خوبی
ہیں وصف جس کے سارے کتابی
اس قید غم پر قربان حسرت
عالی جنابی، گردوں رکابی
حسرت موہانی
No comments:
Post a Comment