لکھے جو مدح تری زلفِ خم بہ خم کے لیے
سمندروں کی ضرورت ہے اس قلم کے لیے
تِرا ہی نور ہے ہر سرزمین پہ سایہ فگن
تُو ہی عرب کے لیے ہے تُو ہی عجم کے لیے
تجھی میں مجھ کو دو عالم دکھائی دیتے ہیں
وہ اور ہیں جو بھٹکتے ہیں جامِ جم کے لیے
میں آنکھ بند کروں اور وہاں پہنچ جاؤں
پروں کی قید نہیں طائرِ حرم کے لیے
نہیں ہے کچھ بھی مِرے پاس لاالہ کے سوا
مگر یہ ضرب ہے کافی ہر اک صنم کے لیے
کوئی تو ابر کا ٹکڑا ادھر بھی آ نکلے
ترس گیا ہوں تِرے سایۂ کرم کے لیے
قتیل رکھتا ہوں حبِ رسولﷺ سینے میں
یہ زادِ راہ بہت ہے مجھے عدم کے لیے
قتیل شفائى
No comments:
Post a Comment