سمجھ میں جو نہیں آتے دوانے مل ہی جاتے ہیں

 سمجھ میں جو نہیں آتے دِوانے مل ہی جاتے ہیں 

نئے گلشن میں کچھ پودے پرانے مل ہی جاتے ہیں 

ضروری تو نہیں ہم قیس کے رستے پہ چل نکلیں

دلوں کی بھیڑ میں اجڑے ٹھکانے مل ہی جاتے ہیں 

تعجب تو نہیں تیرے بدلنے کا ذرا ہم کو 

صراحی جو بھرے دل کی  بہانے مل ہی جاتے ہیں 

زمانے پر نظر رکھو کسی کی ذات مت دیکھو

حققیت کچھ نہ ہو لیکن فسانے مل ہی جاتے ہیں 

قطارِ دشمناں میں ڈھونڈنا اپنوں کو مشکل ہے 

لباسِ دوستی میں یہ خزانے مل ہی جاتے ہیں 

مسلسل رابط رکھو اگر منزل کے رہبر سے 

ترستی آنکھ کو سپنے سہانے مل ہی جاتے ہیں 

پرائی محفلوں میں بھی کہیں تھے دل جلے ساجد 

تڑپ سچی ہو گر اپنی، دِوانے مل ہی جاتے ہیں

عجیب ساجد