جمال دو عالم تری ذات عالی​

عارفانہ کلام نعتیہ کلام

جمالِ دو عالم تِریﷺ ذاتِ عالی​

دو عالم کی رونق تِری خوش جمالی​

خدا کا جو نائب ہوا ہے یہ انسان​

یہ سب کچھ ہے تِری ستودہ خصالی ​

تُو فیاضِ عالم ہے، دانائے اعظم​

مبارک تِرے در کا ہر اِک سوالی​

نگاہِ کرم ہو نواسوں کا صدقہ​

تِرے در پہ آیا ہوں بن کے سوالی ​

میں جلوے کا طالب ہوں، اے جانِ عالم

دِکھا دے، دِکھا دے وہ شانِ جمالی ​

تِرے آستانہ پہ میں جان دوں گا ​

نہ جاؤں، نہ جاؤں، نہ جاؤں گا خالی ​

تجھے واسطہ حضرتِ فاطمہؑ کا​

میری لاج رکھ لے دو عالم کے والی ​

نہ مایوس ہونا ہے یہ کہتا ہے بھگوان ​

کہ جُودِ محمدﷺ ہے سب سے نرالی ​

​

رانا بھگوان داس​