وابستہ خود سے کوئی کہانی تلاش کر
جو کھو چکی ہے اس کی نشانی تلاش کر
پتھر سے جو نکلتے ہیں چشموں کو چھوڑ کر
عارض پہ اپنی آنکھ کا پانی تلاش کر
باہر نکل کے ذات کے محبس سے اے بشر
دنیائے رنگ و بُو کے معانی تلاش کر
آئندگاں کو سونپ کے آنکھوں کی روشنی
بوڑھی رُتوں میں اپنی جوانی تلاش کر
ہو گا سفینہ جانبِ منزل رواں دواں
دریائے آرزو کی روانی تلاش کر
سفینہ چودھری
سفینہ سلیم صفی
No comments:
Post a Comment