لذت لمس کا انکار نہیں کر سکتا

 لذتِ لمس کا انکار نہیں کر سکتا

دور بیٹھے تجھے سرشار نہیں کر سکتا

ایک دو بار تو روکوں گا مروّت میں تجھے

سینکڑوں بار تو اصرار نہیں کر سکتا

باغ میں ایک بھی پھول ایک بھی پھل کے ہوتے

تُو مجھے زیست سے بے زار نہیں کر سکتا

جیسے میں دوستوں سے ہنس کے گلے ملتا ہوں

کوئی معمولی اداکار نہیں کر سکتا

کیوں نہ دنیا پہ نئی بات میں کالم لکھ دوں

ختم تو میں اسے سرکار نہیں کر سکتا

ضامن عباس