ہوئی ان سے جو اپنی آشنائی
مِٹی خوئے خودی اور خود نمائی
بھٹکتا پھرتا گہری ظلمتوں میں
اگر ملتی نہ تیری روشنائی
تمہارا ہجر وہ بھی عمر بھر کا
سہی جاتی نہیں اک پل جدائی
محبت گر ہرس کا نام بھی ہے
محبت ہے لباسِ پارسائی
مناظر شہر کے دیکھے جو اپنے
غموں سے مل گئی مجھ کو رہائی
بتا کس کے لیے زندہ رہوں اب؟
میسر جب نہیں تیری رسائی
ڈرو محسن خطاکاری کے شر سے
نہ کر دے قہر اب برپا خدائی
محسن کشمیری
No comments:
Post a Comment