اس سے بڑھ کر تو اذیت نہیں دیکھی جاتی

 اس سے بڑھ کر تو اذیت نہیں دیکھی جاتی

یہ تِرے لہجے کی حدت نہیں دیکھی جاتی

پہن ایسا کہ بدن تک بھی دکھائی دے ہے

اس نئے دور کی جدت نہیں دیکھی جاتی

تم مجھے چھوڑ کے جاؤ بھی تو ہنس کر جانا

اس کی آنکھوں کی یہ حسرت نہیں دیکھی جاتی

وہ مِرے منہ پہ جو کہتا سو سہہ لیتا میں بھی

ورنہ مجھ سے تو یہ غیبت نہیں دیکھی جاتی

غیر تو غیر ہیں غیروں سے شکایت کیسی

میرے اپنوں سے بھی شہرت نہیں دیکھی جاتی

بے حیائی ہے ہر اک گام پہ رقصاں اب تو

عصرِ حاضر میں شرافت نہیں دیکھی جاتی

زخم اپنوں کے بہت سہ لیے ہم نے، لیکن

اب تو سانپوں کی یہ فطرت نہیں دیکھی جاتی

راشد خان عاشر