بام و در پر رینگتی پرچھائیاں
مجھ سے اب مانوس ہیں تنہائیاں
اب سمندر بھی بہت سطحی ہوئے
اب رہیں ان میں نہ وہ گہرائیاں
خانۂ دل کو کرو آباد پھر
مجھ کو لوٹا دو وہی رعنائیاں
اک تھکن سی جسم پر طاری ہوئی
ٹوٹ کر گرنے لگیں پرچھائیاں
ندیم ماہر
رنگ اردو دنیا بھر کے نامور کلاسیک اور نوجوان اردو شعراء کے شاہکار کلام پر مبنی بلاگ🌷Rung E Urdu a blog of worldsfamous poetry of past & present era
No comments:
Post a Comment