کب تک سکوتِ دشت کو قائم رکھوں گا میں
چیخوں گا؛ قیس کون تھا؟ دل میں کہوں گا؛ میں
رنگت کو اپنے چہرے کی، مانند زلفِ یار
اُڑنے کا فن سکھاؤں گا، اُڑنے نہ دوں گا میں
دستک زدہ کواڑ کے کُھلنے کی دیر ہے
جو مجھ پہ ہنس رہے ہیں نا ان پر ہنسوں گا میں
اس چشمِ بد سُخن کے قوافی سُدھار کر
تجھ نظم کو غزل کے موافق پڑھوں گا میں
فہرستِ کارِ ہجر بنا، اور اس میں لِکھ
کیا کیا نہیں کرے گا تُو، کیا کیا کروں گا میں
یہ شور پہلے شوق تھا، وقتِ فراق تک
جو کہہ رہا تھا؛ عین عمر چپ رہوں گا میں
عین عمر
No comments:
Post a Comment