عشق میں مائل درگاہ نہیں ہو سکتے

 عشق میں مائلِ درگاہ نہیں ہو سکتے

مر بھی جائیں تو تِری چاہ نہیں ہو سکتے

سب کو کنگن سے محبت نہیں ہوتی، پاگل

سارے شاعر تو وصی شاہ نہیں ہو سکتے

کون آتا ہے زمانے کی گھڑی باتوں میں

چاہنے والے تو گمراہ نہیں ہو سکتے

وہ تجھے سچ کا علمدار سمجھ لیتے ہیں

جو تِرے جھوٹ سے آگاہ نہیں ہو سکتے

یہ جو آنکھیں ہیں چراغوں کی طرح روشن ہیں

ہم اندھیروں کی گزر گاہ نہیں ہو سکتے

ڈھونڈ لی اس نے نئے عشق کی ساجھے داری

یہ جو قصے ہیں یہ افواہ نہیں ہو سکتے

تُو نے کوشش تو بہت کی ہے  مصنف لیکن

ہم کہانی میں بھی ہمراہ نہیں ہو سکتے

کومل جوئیہ