دل ہے کہ مرا سوز محبت میں پھنسا ہے

 کافی کا ٹائٹل

جند سولاں دے وات نیں

ڈتڑی بِرہوں برات نیں

کڈیں ڈینہہ ڈوکھاندا سر تے

کڈیں غماں دی رات نیں

اردو ترجمہ

دل ہے کہ مِرا سوز محبت میں پھنسا ہے

یہ عشق کی سرکار سے انعام ملا ہے

ہے سر پہ کبھی چھایا ہوا روزِ مصیبت

ڈالی ہوئی شب نے کبھی آفت کی ردا ہے

آتس کی طرح جلتا ہوا میرا بچھونا

شب گزری کہ در صبحِ قیامت کا کُھلا ہے

اس نے نہ کبھی میری طرف جھانک کے دیکھا

اک عمر کا حصہ مِرا رونے میں کٹا ہے

محبوب ہے مسجود محبت کے دلوں کا

سچ یہ ہے کہ عشّاق کا وہ قبلہ نما ہے

دیکھو تو ذرا غور سے احمدؐ کو احد سے

ذات اور صفات ایک ہیں، کیا فرق رہا ہے

ہے صوم و صلوٰۃ اپنی مئے حُسن پرستی

آزادی و رِندی مِری قسمت کا لکھا ہے

ہے راستہ دُشوار بہت فقر و فنا کا

ہر گام پہ آفات کا اک جال بچھا ہے

سرد آہ مِری، ہار مِرے اشک رواں کے

یہ عشق کی سوغات ہے، تحفہ ہے، عطا ہے

خواجہ غلام فرید کی شاعری

اردو ترجمہ: کشفی ملتانی