ہوائے گلشن رحمت نگر ضروری ہے

 عارفانہ کلام حمد نعت منقبت

ہوائے گلشنِ رحمت نگر ضروری ہے

فضائے امن و محبت اگر ضروری ہے

چراغِ اسمِ محمدﷺ میں جب جلانے لگا

یہ طاقِ دل نے صدا دی، اِدھر ضروری ہے

متاعِ سیم و زر و مال کچھ ضروری نہیں

بروئے شاہ فقط چشمِ تر ضروری ہے

میں چھوڑ آیا ہوں دل اس لیے مدینے میں

اِدھر ضروری نہیں تھا اُدھر ضروری ہے

اسی سے شاخِ تخیل پہ پھول آتے ہیں

خیالِ گنبدِ سبز اس قدر ضروری ہے

ارشد عزیز