اس کی قسمت کی ڈگر سوئے صمد ملتی ہے

 عارفانہ کلام حمد نعت منقبت

اس کی قسمت کی ڈگر سُوئے صمد ملتی ہے

جس کو آقاﷺ کے مدحِ خواں کی سند ملتی ہے

جس کے تقویٰ کی خبر عرشِ معلیٰ پہ گئی

ہاں اسے نور سے لبریز لحد ملتی ہے

ان کے القاب میں برکت ہے انہیں دہراؤ

ہم کو یٰسین سے طٰہٰ سے مدد ملتی ہے

جو خدا وند کہے آپﷺ کہا کرتے ہیں

اس طرح آپِ کی مولیٰ سے خرد ملتی ہے

کس قدر راستے کھلتے ہیں خدا کی جانب

جتنی اصحاب کی دنیا میں عدد ملتی ہے

آپﷺ کے نام کی تاثیر سمجھ کر دیکھو

ہم کو احمدﷺ سے سدا راہِ احد ملتی ہے

دیکھ دنیا کے ہر اک گھر میں خدا ہے پارس

اس کی رحمت میں کہاں کوئی بھی حد ملتی ہے

تلک راج پارس