عارفانہ کلام حمد نعت منقبت
کلیوں نے بصد شوق پڑھا اللہ ہو اللہ
پھولوں کی زباں پر ہے سدا اللہ ہو اللہ
ہر بار ہواؤں نے بڑے پیار سے چُوما
جب ریت پہ لہروں نے لکھا اللہ ہو اللہ
بُلبل کی چہک میں ہے تِرے حمد کی خوشبو
پیڑوں پہ پرندوں کی صدا، اللہ ہو اللہ
اک ننھے فرشتے کی عبادت کو جوں دیکھا
نم ہو کے فلک نے بھی کہا اللہ ہو اللہ
شبنم سے وضو کرتی ہوئی پھول کی پتی
ہر شام و سحر حمد و ثناء اللہ ہو اللہ
غنچے بھی ولی پھول بھی قطرے بھی شفق بھی
سب مل کے کریں ذکر تِرا اللہ ہو اللہ
شاہ روم ولی
ولی شاہ
No comments:
Post a Comment