عارفانہ کلام حمد نعت منقبت
فرشتے اپنے پروں میں انہیں چھپاتے ہیں
نبیؐ کی شان میں جو محفلیں سجاتے ہیں
ہزاروں کوششیں کرتے ہیں صاحب ثروت
مگر پہنچتے ہیں طیبہ جنہیں بلاتے ہیں
جو اک اشارہ صحابہ کو کر دیں شاہِ امم
خدا کی راہ میں وہ گھر بار سب لٹاتے ہیں
نبیؐ کی نعت سے دل کو سرور ملتا ہے
اسی لیے تو محافل میں دل لگاتے ہیں
برائے فضل و کرم آج بھی محبت سے
نبیؐ کی شان میں ہم نعت گنگناتے ہیں
جہاں کی آب و ہوا بے مثال ہے نیر
اسی دیارِ عقیدت کے گیت گاتے ہیں
نیر جونپوری
No comments:
Post a Comment