عارفانہ کلام حمد نعت منقبت
اک حرفِ کرم فردِ سیہ کار میں آوے
کہ جان گئی پھر سے گنہگار میں آوے
بھولے سے نہ چھوٹے درِ سرکار خدایا
ایسی تِری قدرت یدِ لاچار میں آوے
اس در کی گدائی مِرا بن جائے مقدر
دنیا کسی دنیا کے طلبگار میں آوے
کچھ وقت مدینے کا عوض جان کے لے لوں
ہر دن مِری خواہش بھرے بازار میں آوے
میں آپ کی رہ دیکھوں جہاں بیٹھ کے آقاﷺ
در ایسا کوئی ہجر کی دیوار میں آوے
پھولوں میں معطر نئی تحریک چلے گی
تو اس قدِ دلکش سے جو گلزار میں آوے
مجھ ایسے کا انجام مدینے میں ہو عمران
ایسی کوئی صورت مِرے کردار میں آوے
عمران شریف
No comments:
Post a Comment