یہی عقیدہ اسیر رسول پاک کا ہے

 عارفانہ کلام حمد نعت منقبت

یہی عقیدہ اسیرِ رسولِ پاکﷺ کا ہے

عظیم دہر میں رُتبہ رسول پاکﷺ کا ہے

مٹا نہ پائیں گے دُشمن ہمیں زمانے سے

قدم قدم پہ سہارا رسول پاکﷺ کا ہے

ادب سے بُلبل سدرہ نے بھی شبِ اسریٰ

لیا ہے بوسہ وہ تلوہ رسول پاکﷺ کا ہے

ہر ایک سمت جو جلوہ دکھائی دیتا ہے

قسم خدا کی یہ صدقہ رسول پاکﷺ کا ہے

بنا ہے سرور عالمﷺ کے صدقے ہر عالم

تمام دہر میں چرچا رسول پاکﷺ کا ہے

جہنمی ہے وہ ان سے کرے بغاوت جو

وہ جنتی ہے جو شیدا رسول پاکﷺ کا ہے

ادا جو کرتا ہوں حسّانؓ کی میں سنت ، یہ

خدا کا فضل ہے صدقہ رسول پاکﷺ کا ہے

کٹایا سجدے کی حالت میں جس نے سر اپنا

علیؑ کا بیٹا نواسہ رسول پاکﷺ کا ہے

یہ بات حق ہے نظامی کہ روضۂ اقدس

جہاں میں سب سے نرالا رسول پاکﷺ کا ہے

امیر حمزہ نظامی